الحريم بالعروس حدث ولاحرج وبالذات حزه الرقص
منهن من تثير الشفقه ،ومنهن من ترسم علامات التعجب فوق رؤوس الحاضرات /ماتدرين ترقص ولا تخض لبن@@@
ومنهن من تجعلكي ترددين "الحمد الله على نعمه العقل "
ماتصدق تحط رجولها الكريمتين على البست الى ان تنتهي وصلتها الاستعراضيه
انا مدري الوحده منهم ليش تفقد عقلها اذا سمعت الطيران ولا الدجي يصدح ؟؟؟؟؟؟!!!!!الله اعلم
وحده تهز الوسط وماتحته !
والثانيه:تهز المناطق العلويه وماجوارها والاستوائيه بتوقيت غرينتش ؟
والثالثه :تنفض شعرها بطريقه تقولين فيه قمل وتبي تطلعه
والرابعه:تحرك ايدها بطريقه لولبيه كوكبيه متوازيه الاضلاع كنها تخبز خبز صاج !
والخامسه:تطامر يمين وشمال كسرت رقاب الاوادم من كثر مايتلفتون @@@@@
والسادسه:تترنح على انغام الراب بطريقه هستيريه كانها زهيوي كاتين عليه بف باف
والثالثه:تتهزهز كانها لاسعتها كهربا فولت
والثامنه :تصفق بيدها من تبدا الى ان تنتهي ماتدرون تصفق لنفسها ولا للي قاعدين؟
والتاسعه:ترقص جنب الطقاقات وتهز قدامهم يعني حلوه علشان يطقولها عدل ويمدحونها
وهم ودهم يصكونها بالطيران الي عندهم صرعتهم بريحتها "مايلامون"
"الروائح والافرازات من جميع الاتجاهات تهجم "
وماتغث منهم الا ام برقع "مع احترامي لهذا الموروث الشعبي"
داقه التسريحه وفول ميكياج والمشلخ والمعلق
ولانادت الطقاقه على اسمها
تجيكم طايره من اخر القاعه تقول نساف
واذا وصلت البست تمسك البرقع باقوى ماعندها وثم ترررررميه على الواقفات والشاطره
تمسكه عاد هاهاهاهاهاهاهاهاهاهاها
واذا خلصت الوصله وعينت من الله خير قامت تدور على برقعها مثل المسعوره لانها من الحماس ماتدري وين اراضيه واذا لقته كنها لقت كنز على طول تحطه على خشتها ماتبي احد يشوفها
ياطيبه توج تترقصين وخشتج طالعه
ولاجت زفه العروس ومعاها اخوانها شوفي الهيصه عاد
الي تحط طرف العباه على وجهها وشوي تهده يعني طاح
والي تسوي روحها تشرب ماي يعني محد يشوف
انا ماادري ليش بالعرس" كل شي محلل وقت الظروره"
على قوله عتاب الله يرحمها
ولااخوان العروس طايحيله خز من طرف العين يعني محد يشوف
ومتحنط يعني رزه
وحالف الا يوصل الاميره والليدي ديانا للكوشه
بعد ماشبع تخزز بامهات الطحين
م ن ق و ل